ՏԵՍԱՆՅՈՒԹ. Չի կարելի վերջ դնել հակամարտությանը՝ պարզապես հայտարարելով դրա ավարտի մասին. Եղոյանը` ադրբեջանցի պատգամավորներին

 Չի կարելի վերջ դնել հակամարտությանը՝ պարզապես հայտարարելով դրա ավարտի մասին եւ չվերացնելով հակամարտության բուն պատճառները։ Այս մասին Երեւանում Եվրանեսթ խորհրդարանական վեհաժողովի իրավական հարցերի, մարդու իրավունքների եւ ժողովրդավարության հարցերով հանձնաժողովի նիստում իր ելույթում հայտարարեց «Քաղաքացիական պայմանագիր» խմբակցության պատգամավոր, ԱԺ Եվրոպական ինտեգրման հարցերի մշտական հանձնաժողովի նախագահ Արման Եղոյանը։

Խոսելով արցախյան հակամարտության պատճառների մասին՝ նա մատնանշեց դրանց չլուծված լինելը։ «Դրանք դեռ շարունակում են մնալ, քանի որ դեռ չեն լուծվել։ Կարծում եմ, որ այս պատճառներն էլ ավելի են խորացել։ Ադրբեջանում հայատյացությունը, ատելությունը հայկական մշակույթի, Հայաստանի հետ կապված ամեն ինչի նկատմամբ, ցավոք, գնալով ահագնանում է»,- ասաց Եղոյանը։