Ինչ է ասել Զելենսկին իր տեսաուղերձում

Ուկրաինայի նախագահ Վլադիմիր Զելենսկին հանդես է եկել ուղերձով Ռուսաստանի կողմից Դոնեցկի և Լուգանսկի ժողովրդական հանրապետությունները ճանաչելու կապակցությամբ։ 

Նա այս որոշումն անվանել է Ուկրաինայի ինքնիշխանության խախտում և նախաձեռնել է Նորմանդյան քառյակի գագաթնաժողով, ՄԱԿ-ի Անվտանգության խորհրդի և ԵԱՀԿ նիստեր: 

Զելենսկին ասել է, որ Ուկրաինան իրեն վերապահում է անհատական ​​և կոլեկտիվ ինքնապաշտպանության իրավունքը՝ ՄԱԿ-ի կանոնադրության 51-րդ հոդվածի համաձայն։

«Մենք և մեր պետությունը ժամանակ չունենք պատմության երկար դասախոսությունների համար, ուստի ես չեմ խորանա անցյալի մեջ։ Կխոսեմ իրականության և ապագայի մասին։ Ուկրաինան իմ թիկունքում է իր միջազգայնորեն ճանաչված սահմաններում, և որոնք այդպես էլ կմնան՝ անկախ Ռուսաստանի Դաշնության ցանկացած հայտարարությունների և գործողությունների..։ Մենք ոչ մեկին ոչինչ պարտք չենք: Մենք ոչ մեկին ոչինչ չենք տա»,- ասել է Զելենսկին տեսաուղերձում։