Ղրիմի միացումը Ռուսաստանին «օկուպացիա» է. Հուլուսի Աքար
Թուրքիայի պաշտպանության նախարարության ղեկավարը հերթական անգամ «օկուպացիա» է անվանել Ղրիմի միացումը Ռուսաստանին:
Թուրքիայի պաշտպանության նախարար Հուլուսի Աքարը Բրյուսելում ՆԱՏՕ-ի գագաթնաժողովի ժամանակ զրուցել է լրագրողների հետ, որտեղ պատասխանել է Ուկրաինայի, Վրաստանի և Ղրիմի հետ կապված հարցերին։
Ըստ ermenihaber-ի՝ նա կրկնել է Ղրիմի վերաբերյալ թուրքական թեզերը, ըստ որոնց՝ Անկարան Ղրիմի միացումը Ռուսաստանին համարում է «օկուպացիա»։
Թուրքիայի պաշտպանության նախարարության ղեկավարն անդրադարձել է նաեւ Վրաստանի տարածքային ամբողջականության հարցին՝ նշելով, որ Անկարան չի հրաժարվի իր դիրքորոշումից։
