Ուկրաինայի հետ սահմանին կրիտիկական պահ է. Մեծ Բրիտանիայի ԱԳՆ
Մեծ Բրիտանիայի փոխարտգործնախարար Ջեյմս Քլևերլին ՄԱԿ-ի Անվտանգության խորհրդի Ուկրաինայի հարցով նիստում հայտարարել է, որ իրավիճակը Ուկրաինայի հետ սահմանին կրիտիկական է, բայց դեռ հնարավոր է կանխել հակամարտությունը, գրում է Gazeta.ru-ն:
Նա դատապարտել է նաև Պետդումայի նախաձեռնությունը՝ ճանաչելու ինքնահռչակ Դոնեցկի և Լուգանսկի ժողովրդական հանրապետությունները։
Նախագծի ընդունմանը կողմ է քվեարկել Պետդումայի 351 պատգամավոր, դեմ՝ 16, ձեռնպահ է մնացել մեկը։
«Սա ուղղակիորեն կխաթարի մինսկյան համաձայնագրերը և պետք է մերժվի Ռուսաստանի իշխանությունների կողմից՝ իրենց պարտավորություններին համապատասխան», - ասաց նա։
Դիվանագետն ասել է, որ Լոնդոնը Ուկրաինայի հետ սահմանից ռուսական զորքերի դուրսբերման ապացույցներ չի տեսնում։
