ՆԱՏՕ-ն ռուսական զորավարժությունների ժամանակ փորձել է հետախուզություն իրականացնել
ՆԱՏՕ-ի ֆրեգատները Միջերկրական ծովում զորավարժությունների ժամանակ փորձել են ռուսական նավերի հետախուզում իրականացնել, « ՌԻԱ Նովոստի»-ին հայտնել Է իրազեկ աղբյուրը:
«ՆԱՏՕ-ի ֆրեգատները փորձել են ռուսական նավերի ռադիոէլեկտրոնային եւ ռադիոտեխնիկական հետախուզում վարել երեկ՝ Միջերկրական ծովի արեւելյան մասում՝ ռուսական ռազմածովային նավատորմի խմբավորման կողմից՝ պլանային զորավարժությունների անցկացման ժամանակ», - պատմել Է գործակալության զրուցակիցը:
Միջերկրական ծովում ռազմածովային նավատորմի զորավարժություններին մասնակցում են Խաղաղօվկիանոսյան, Հյուսիսային եւ Սեւծովյան նավատորմի 15 մարտական նավեր, այդ թվում ՝ « Վարյագ» եւ « Մարշալ Ուստինովը» հրթիռային հածանավերը, «Ծովակալ Կասատոնով» եւ « Ծովակալ Գրիգորովիչ» ֆրեգատները, «Ծովակալ Տրիբուց», « Փոխծովակալ Կուլակով» նավերը: Զորավարժություններին ներգրավվել են նաեւ Ռուսաստանի ավելի քան 30 թռչող սարքեր:
Խնդիրներից մեկը ռուսական նավերի եւ ինքնաթիռների ուսումնամարտական վարժություններն են ՝ պայմանական հակառակորդի նավային խմբավորումների խոցման ուղղությամբ։
