Վրաստանում երկրաշարժից հետո գրանցվել է 6 հետցնցում

Վրաստանում փետրվարի 13-ին տեղի ունեցած 6,2 մագնիտուդով երկրաշարժից (22:25) հետո ցնցումները կրկնվել են 6 անգամ, փոխանցում է Aliq.ge-ն։ Վրաստանի Սեյսմիկ մոնիտորինգի ազգային կենտրոնի վերջնական տվյալներով՝ հետցնցումների ուժգնությունը տատանվել է 3,1-ից 4,5 մագնիտուդի սահմաններում:

Ցնցումները գրանցվել են հետևյալ հաջորդականությամբ.

4,5 բալ, 22:28-ին, Դմանիսի քաղաքից 26 կմ հարավ-արևմուտք՝ Սամեբա գյուղ

3.5 մագնիտուդ, 22:30-ին, Սամցխե-Ջավախեթի

4.1 բալ, 22:35-ին, Դմանիսի քաղաքից 26 կմ հարավ-արևմուտք՝ գյուղ Սամեբա

3,1 բալ, 22:37-ին, Նինոծմինդա քաղաքից 23 կմ արևելք՝ գյուղ Սամեբա

3,1 բալ, 00:14-ին, հայ-վրացական սահմանին

3.5 բալ, 03:35-ին, Նինոծմինդա քաղաքից 23 կմ արևելք՝ գյուղ Սամեբա: