Ուկրաինացի օլիգարխներն ու գործարարները չարտերային թռիչքներով լքում են երկիրը
«Ուկրաինսկայա պրավդա» ռեսուրսի տվյալներով՝ օլիգարխներն ու խոշոր գործարարները սկսել են լքել Ուկրաինան չարտերային թռիչքներով և մասնավոր ինքնաթիռներով։ Միայն այս կիրակի մոտ 20 թռիչք է գրանցվել, գրում է Kp.ru-ն:
Այսպիսով, արդյունաբերող և միլիարդատեր Ռինատ Ախմետովը, քաղաքական գործիչ և օլիգարխ Բորիս Կոլեսնիկովը, «Смарт-групп» և «Метинвест» ընկերությունների գլխավոր սեփականատեր Վադիմ Նովինսկին, գործարար և քաղաքական գործիչ Վադիմ Ստոլարը, գործարար Ալեքսանդր Յարոսլավսկին, UFuture հոլդինգի հիմնադիր Վասիլի Խմելնիցկին արդեն լքել են Ուկրաինան:
Նաև 50 հոգու համար նախատեսված մասնավոր ինքնաթիռ պատվիրել է «Ընդդիմադիր հարթակ՝ հանուն կյանքի» կուսակցության պատգամավոր, միլիոնատեր Իգոր Աբրամովիչը։ Հրատարակությունը պարզաբանում է, որ այս ինքնաթիռով Կիևից Վիեննա պետք է թռչեն կուսակցականների հարազատները, ինչպես նաև Աբրամովիչի բիզնես գործընկերները։
Հրատարակությունը հիշեցնում է, որ ավելի վաղ Ուկրաինայից հեռացել են առնվազն ութ ձեռնարկատեր, որոնց թվում կան Գերագույն ռադայի պատգամավորներ։
