Պայթյուն Ֆրանսիայի հարավում. զոհերի թվում երեխաներ կան

Այս գիշեր պայթյուն է տեղի ունեցել Ֆրանսիայի հարավում մթերային խանութներից մեկում, ինչի հետևանքով 7 մարդ մահացել է, գրում է Euronews-ը։

Ինչպես հայտարարել է Ֆրանսիայի ներքին գործերի նախարար Ժերալդ Դամանենը՝ մահացածների թվում կա երկու երեխա, չորս մարդ ստացել է տարբեր ծանրության վնասվածք։ Նրանցից մեկը ցած է նետվել երկրորդ հարկից՝ փորձելով փրկվել հրդեհից։
 

Նախնական տվյալներով՝ պայթյունը որոտացել է շենքի առաջին հարկում գտնվող կոմերցիոն տարածքում, որի կողքին հայտնաբերվել են գազի բալոններ։