Հուսով ենք, որ ողջամտությունը կհաղթի Եվրոպայում. Պեսկով
Մոսկվան հույս ունի, որ եվրոպական երկրների իշխանությունների մոտ ողջամտությունը կգերակայի, և նրանք կսկսեն մտածել սեփական շահերի մասին, այլ ոչ թե հետևել Վաշինգտոնի հրահանգներին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
РИА Новости-ին տված հարցազրույցում նա նշել է, որ ԵՄ երկրները փորձում են մեծացնել իրենց միության դերը համաշխարհային գործերում, սակայն դա «այնքան էլ չի ստացվում», այդ թվում՝ Վաշինգտոնի ուժեղ ազդեցության պատճառով։
«Միացյալ Նահանգները երբեք չի զգացել համառության և նույնիսկ նման կովբոյական մոտեցման պակաս՝ փորձելով ազդել Եվրոպայում իր գործընկերների վրա, նրանք կոպտորեն ասում են, թե ում հետ ինչ պետք է անել, և եթե ինչ-որ մեկը համաձայն չէ սրա հետ, ուղղակիորեն ասում է, թե ինչ կլինի իր հետ»,- ասել է Դմիտրի Պեսկովը։
