Ենթադրվում է, որ սև ադամանդները ծագել են Երկրի վրա 2,6-3,2 միլիարդ տարի առաջ՝ այսինքն՝ նախքան դինոզավրերի հայտնվելը։ 
Sotheby’s-ում Enigma սև ադամանդը վաճառվել է 4,3 մլն դոլարով: Այն կշռում է 555,55 կարատ և վճարվել է կրիպտոարժույթով, հայտնում է BBC News-ը։ 

Աճուրդի հաղթողի անունը չի հաղորդվում։ Հայտնի է, որ ադամանդի գնորդը վճարել է կրիպտոարժույթով։ Իսկ ավելի ուշ բիթքոինի հայտնի սիրահար, գործարար Ռիչարդ Հարթն ասել է, որ ինքն է գնել Enigma-ն։ 

Մինչ այդ ադամանդը մասնավոր հավաքածուում էր մոտ 20 տարի։ Այն ոչ մի տեղ ցուցադրված չի եղել: 

Նշվում է, որ գոհարի զանգվածը համեմատելի է բանանի հետ։ Բացի այդ, այն պատկանում է «կարբոնադոյի» հազվագյուտ տեսակին։ Ադամանդի յուրահատկությունն այն է, որ պարունակում է օսբորնիտ միներալ, որը հանդիպում է գրեթե բացառապես երկնաքարերում: Հետևաբար, չի բացառվում, որ ունի տիեզերական ծագում: