Ղազախստանում պահանջել են Նազարբաևի դստեր հրաժարականը
Ղազախստանի Մաժիլիսի պատգամավոր Այդոս Սարիմը պահանջել է երկրի նախկին նախագահ Նուրսուլթան Նազարբաևի դստեր՝ պատգամավոր Դարիգա Նազարբաևայի հրաժարականը, գրում է KazTAG-ը:
«Ստեղծված իրավիճակով պայմանավորված՝ որպես մարդ, որպես քաղաքացի նա պետք է հրաժարական տա։ Այս իրավիճակը կապված է նրա անվան հետ, և դա ճիշտ կլինի», – ասել է Սարիմը:
Դարիգա Նազարբաևան հունվարյան բողոքի ցույցերից հետո չի ներկայացել երկրի խորհրդարանում: Ըստ պաշտոնական վարկածի՝ նա հիվանդացել է կորոնավիրուսով:
