Երբ է ակնկալվում Պուտինի այցը Թուրքիա
Հնարավոր է՝ ՌԴ նախագահ Վլադիմիր Պուտինի այցը Թուրքիա կայանա փետրվարի 14-ին: Նման ակնկալիք ունեն Թուրքիայում: Այս մասին РИА Новости-ին հայտնել է թուրքական դիվանագիտական օղակներում լրատվամիջոցի աղբյուրը:
«Այցի ժամկետը կհրապարակվի մոտ օրերս։ Հնարավոր է՝ այն փետրվարի 14-ին տեղի ունենա»,- ասել է գործակալության աղբյուրը։
Ավելի վաղ հայտնել էինք Թուրքիա այցի կապակցությամբ Պուտինի մամուլի խոսնակի անդրադարձը: Ըստ Դմիտրի Պեսկովի՝ Վլադիմիր Պուտինի՝ Թուրքիա կատարելիք այցի օրը դեռ որոշված չէ, սակայն այցը կայանալու է։
