2 միլիարդ եվրո՝ Ադրբեջանին

Եվրամիությունը 2 միլիարդ եվրո է հատկացնում Ադրբեջանին՝ տնտեսական ներդրումային ծրագրի շրջանակներում: Այս մասին հայտնել է ԵՄ Հարևանության և ընդլայնման քաղաքականության հարցերով հանձնակատար Օլիվեր Վարհեյնը՝ Ադրբեջանի ԱԳ նախարար Ջեյհուն Բայրամովի հետ հանդիպման ժամանակ,հաղորդում է ՏԱՍՍ-ը՝ հղում անելով Ադրբեջանի ԱԳՆ-ին. 

«Եվրահանձնակատարը նշել է, որ տնտեսական ներդրումային ծրագրի շրջանակներում Ադրբեջանին հատկացվել է 2 մլրդ եվրոյի ֆինանսական փաթեթ, և ներկայումս քննարկվում է կոնկրետ նախագծերի իրականացումը»,-ասվում է հաղորդագրության մեջ: 

Վարհեյնը հայտարարել է, որ ԵՄ-ն պատրաստ է մասնակցել Ադրբեջանի կողմից Լեռնային Ղարաբաղում իրականացվող վերականգնողական աշխատանքներին. 
«Կողմերը մտքեր են փոխանակել նաև տարածաշրջանային անվտանգության, էներգետիկ գործընկերության, տնտեսական կապերի, տրանսպորտի և կապի ոլորտում համագործակցության հարցերի շուրջ», - ասվում է Ադրբեջանի ԱԳՆ-ում։