Զելենսկին համաձայնել է հանդիպել Վլադիմիր Պուտինի հետ․ մանրամասներ

Ուկրաինայի նախագահ Վլադիմիր Զելենսկին համաձայնել է հանդիպել ՌԴ նախագահ Վլադիմիր Պուտինի հետ Թուրքիայում, հայտարարել է Թուրքիայի նախագահ Ռեջեփ Թայիփ Էրդողանը:

Ավելի վաղ Թուրքիայի նախագահ Ռեջեփ Թայիփ Էրդողանը Կիեւում իր ուկրաինացի գործընկեր Վլադիմիր Զելենսկու հետ բանակցություններից հետո կրկին հայտարարել է, որ Անկարան պատրաստ է ընդունել Ռուսաստանի եւ Ուկրաինայի ղեկավարների հանդիպումը:
Թուրքիայի նախագահի պաշտոնական ներկայացուցիչ Իբրահիմ Քալընը ավելի վաղ հայտարարել էր, որ Էրդողանը Ռուսաստանի եւ Ուկրաինայի նախագահներ Վլադիմիր Պուտինին եւ Վլադիմիր Զելենսկիին հրավիրել է քննարկելու եւ կարգավորելու տարաձայնությունները: Ընդ որում, Թուրքիան պատրաստ է ընդունել «Մինսկի» ձեւաչափով հանդիպումը, հայտնել է Թուրքիայի ԱԳ նախարար Մեւլութ Չավուշօղլուն:
«Ես կրկին պատրաստակամությունն եմ հայտնում ընդունել Ռուսաստանի և Ուկրաինայի առաջնորդներին», - ասել Է Էրդողանը։