ՏԵՍԱՆՅՈՒԹ․ Ջոնսոնի և Զելենսկու հանդիպումը սկսվել է զավեշտալի իրավիճակով
Մեծ Բրիտանիայի վարչապետ Բորիս Ջոնսոնի և Ուկրաինայի նախագահ Վլադիմիր Զելենսկու հանդիպումը սկսվել է զավեշտալի իրավիճակով։ Այս մասին տեղեկանում ենք iz.ru լրատվականից, որն էլ հրապարակել է տեսանյութը։
Երեկ երեկոյան Ջոնսոնը ժամանել է Կիև՝ Զելենսկու հետ հանդիպման։ Հրապարակված կադրերում երևում է, թե ինչպես է Ջոնսոնն իջնում մեքենայից՝ ձեռքին փաստաթղթերով կարմիր թղթապանակ։
Դրանից հետո վարչապետը գնացել է Զելենսկու մոտ, որը նրան սպասում էր կարմիր գորգի վրա։ Սակայն հենց այս պահին հայտնվել է Ջոնսոնի օգնականը, ու մինչ քաղաքական առաջնորդները իրար ձեռք էին սեղմում, կինը հանկարծ վարչապետի ձեռքից խլել է փաստաթղթերով թղթապանակը։ Ջոնսոնը զարմանքով է արձագանքել, բայց շարունակել է զրուցել Զելենսկու հետ։
