ՏԵՍԱՆՅՈՒԹ․ Ինչպես է Մակրոնի ավտոշարասյունը ուշացած ուղևորվում դեպի Կրեմլ
Ֆրանսիայի նախագահ Էմանուել Մակրոնը Ռուսաստան է ժամանել նախատեսված ժամանակից ուշ: Այս մասին հայտնում է «ՌԻԱ Նովոստի»-ն՝ հղում անելով ֆրանսիական հեռուստաընկերությանը:
«Նա Մոսվա է մեկնել փոքր-ինչ ուշացումով՝ 30-45 րոպեով»,- հայտնել է հեռուստաալիքի թղթակիցը:
ՌԴ մայրաքաղաքում Մակրոնը բանակցություններ կվարի երկրի նախագահ Վլադիմիր Պուտինի հետ: Ֆրանսիացի առաջնորդի խոսքով՝ իր այցի նպատակն է թույլ չտալ, որ Ուկրաինայի շուրջ տիրող իրավիճակը վատթարանա: Կրեմլում ակնկալում են, որ երկրների ղեկավարներն առաջին հերթին կքննարկեն անվտանգության երաշխիքները:
Միևնույն ժամանակ ռուսական կողմը չի կանխատեսում, թե ինչ վճռորոշ բեկումներ տեղի կունենան, քանի որ իրավիճակը բավականին բարդ է: Պուտինի և Մակրոնի հանդիպման ավարտին համատեղ ասուլիս է նախատեսվում:
Հայտնի է, որ երեքշաբթի ֆրանսիացի առաջնորդը կմեկնի Կիև:
