Ռուսաստանի նախագահը դա կանի «հենց անհրաժեշտ համարի»․ Պեսկովի կոշտ արձագանքը
Ռուսաստանի նախագահը դա կանի «հենց, որ անհրաժեշտ համարի»։ Այս մասին ասել է Ռուսաստանի Դաշնության ղեկավարի մամուլի քարտուղար Դմիտրի Պեսկովը՝ անդրադառնալով լրատվականների հարցին, թե երբ երկրի ղեկավարը կգնահատի ԱՄՆ-ի և ՆԱՏՕ-ի արձագանքը անվտանգության երաշխիքների վերաբերյալ։ Այս մասին գրում է «Խոսում է Մոսկվան»-ն։
«Ես չեմ կարող ճշգրիտ ամսաթիվ նշել», - հավելել է Կրեմլի խոսնակը:
Վաշինգտոնը և Հյուսիսատլանտյան դաշինքը հունվարի 26-ին Ռուսաստանին գրավոր պատասխան են տվել անվտանգության երաշխիքների առաջարկներին։ Ամերիկյան կողմը խնդրել է, որ այդ փաստաթղթերի տեքստերը չհրապարակվեն, սակայն ԱՄՆ պետքարտուղար Էնթոնի Բլինկենը և ՆԱՏՕ-ի գլխավոր քարտուղար Յենս Ստոլտենբերգը թվարկել են դրանց հիմնական դրույթները։ Ըստ այդ հայտարարությունների՝ Արեւմուտքը ոչ թե սկզբունքային զիջումների գնաց Ռուսաստանի համար, այլ նախանշեց հետագա բանակցությունների ուղղությունները։
