ՄԱԿ-ի Անվտանգության խորհուրդն Ուկրաինայի հարցով հանդիպում կանցկացնի
ՄԱԿ-ի Անվտանգության խորհուրդն այսօր հանդիպում կանցկացնի Ուկրաինայի շուրջ ստեղծված իրավիճակի հարցով։ Հանդիպումը նախապես խնդրել էր ԱՄՆ-ը։ Այս մասին գրում է ТАСС-ը:
Ընթացակարգային քվեարկության ժամանակ ՄԱԿ-ի Անվտանգության խորհուրդը կողմ է արտահայտվել հանդիպման անցկացմանը։ Այսպես, կողմ է քվեարկել 10 երկիր, դեմ՝ Ռուսաստանն ու Չինաստանը, երեքը՝ ձեռնպահ։ Հանդիպման անցկացման համար անհրաժեշտ էր ինը կողմ ձայն։
Ինչպես հայտարարել է Խորհրդի նախագահ, Նորվեգիայի մշտական ներկայացուցիչ Մոնա Յուլը՝ հանդիպմանը կմասնակցեն Ուկրաինայի, Բելառուսի, Լիտվայի և Լեհաստանի ներկայացուցիչները։
Հունվարի 27-ին ԱՄՆ-ն Ուկրաինայի հարցով հանդիպում է խնդրել։ Ամերիկյան կողմի հարցմանը միացել է նաև Ուկրաինան։
