ՆԱՏՕ-ն զորավարժություններ է անցկացնում Էստոնիայում
Ամենամյա Winter Camp ձմեռային զորավարժությունները՝ Էստոնիայում տեղակայված ՆԱՏՕ-ի մարտական խմբի մասնակցությամբ մեկնարկել են շաբաթ: Այս մասին հայտնում է ՏԱՍՍ գործակալությունը՝ հղում անելով երկրի պաշտպանական ուժերի գլխավոր շտաբին:
Զորավարժություններին կմասնակցեն մոտ 1400 զինվորական՝ Մեծ Բրիտանիայից, Ֆրանսիայից և Էստոնիայից: Մանևրները տեղի կունենան հունվարի 29-ից մինչև փետրվարի 6-ը:
«Պայմանական հակառակորդին դիմակայելուն ուղղված զորավարժությունները ձմեռային պայմաններում՝ հիանալի հնարավորություն է անգնահատելի փորձ ձեռք բերելու համար»,- ասել է Պաշտպանական ուժերի առաջին հետևակային բրիգադի հրամանատար, գնդապետ Անդրուս Մերիլոն:
Այս տարի անցկացվող զորավարժություններում կներգրավվեն զրահատեխնիկա, հետևակ և ինժեներական մասեր:
