Բայդենը հայտարարել է Արևելյան Եվրոպա զորքերի մոտալուտ տեղակայման մասին
ԱՄՆ նախագահ Ջո Բայդենը հայտարարել է Արևելյան Եվրոպա զորքերի մոտալուտ տեղակայման մասին։ Ըստ Միացյալ Նահանգների նախագահի՝ կլինեն «ոչ շատ մեծ թվով» զինվորականներ։ Այս մասին հայտնում են թելեգրամյան ալիքները։
Ավելի վաղ Պենտագոնը հայտարարել էր 8,5 հազար զինվոր ուղարկելու պատրաստակամության մասին։ Մինչդեռ CNN-ը, հղում անելով աղբյուրներին, գրում է, որ տարաձայնությունների պատճառով լարվածություն է աճում Վլադիմիր Զելենսկու և Բայդենի վարչակազմի միջև։
Հաղորդվում է, որ Ուկրաինայի նախագահը հոգնել է ռուսական սպառնալիքի նկատմամբ ԱՄՆ-ի «չափազանց ուշադրությունից»: Սա, նրա կարծիքով, անհարկի խուճապ է առաջացնում երկրի ներսում։ Նախօրեին Զելենսկին սխալ էր անվանել Ուկրաինայից մի քանի երկրների դիվանագետների հեռանալը։ Նա նշել է, որ լարվածության աճի ֆոնին Կիևին անհրաժեշտ է դաշնակիցների ներկայությունը երկրի ներսում։
