ՏԵՍԱՆՅՈՒԹ․ «Չկա առանձնատուն, չկա ջրագիծ»․ Ալեն Սիմոնյանի խոսնակը՝ տարածվող լուրերի մասին
Լրատվականի հայտարարությունը որևէ կապ չունի իրականության հետ։ Այս մասին քիչ առաջ Auroranews-ի հետ զրույցում ասաց ԱԺ նախագահ Ալեն Սիմոնյանի խոսնակ Ծովինար Խաչատրյանը։
Նշենք, որ «Իրավունք» թերթը գրել էր. «Ձորաղբյուրում շրջանառվող խոսակցությունների համաձայն, ՀՀ նախագահի պարտավորությունները ժամանակավոր ստանձնած Աժ նախագահ Ալեն Սիմոնյանն ակտիվորեն շարունակում է Ձորաղբյուրի հենց սկզբնամասում առանձնատան շինարարությունը: Իսկ դեմուդեմ մի առանձնատուն էլ կառուցում է ոչ ավել, ոչ պակաս երկրի թիվ մեկ աներձագը` ԱԺ ՔՊ-ական պատգամավոր Հրաչյա Հակոբյանը, որը Նիկոլ Փաշինյանի կնոջ հարազատ եղբայրն է: Սակայն, էականը ոչ թե այն է, թե ինչպես են ՔՊ-ականները բարելավում իրենց կենցաղը, այլ այն, թե ինչպես են վերաբերում իրենց համաքաղաքացիներին: Ըստ նույն շշուկների, Ալեն Սիմոնյանը մեծ ու լայն խողովակով ջրագիծ է բերում առանձնատան համար, և տեղի բնակիչները դիմել են, որպեսզի իրենք էլ կարողանան այդ ջրից օգտվել, բայց ստացել են կտրուկ պատասխան, թե ջրագիծն անձնական է: Խնդիրն այն է, որ Ձորաղբյուրում ջրի խնդիր կա, բայց բնակիչների գանգատները որևէ կերպ լուծում չեն ստանում»: Սիմոնյանի խոսնակը նշված հրապարակման մաով նաև այլ մանրամասներ հայտնեց։
Ծովինար Խաչատրյանի ամբողջական խոսքը՝ տեսանյութում |
