Պաշտպանության նախարարությունը՝ զինծառայողի անհետացման մասին

Օրեր առաջ Auroranews-ը մի քանի կարևոր թեմաներով գրավոր հարցում էր ուղարկել Պաշտպանության նախարար Սուրեն Պապիկյանին։ 

Հարցերից մեկը վերաբերվում էր զինծառայող Նորիկ Մկրտչյանին։ 

Զինծառայողի հարազատներն ու փաստաբանը մեզ տեղեկացրել էինք, որ մոտ 8 ամիս է ո՛չ մայրը տեղեկություն ունի, թե որտեղ է զինծառայողը, ո՛չ էլ՝ հրամանատարությունը։ 

Նախարարինց հետաքրքրվել էինք, թե ինչ փուլում են զինծառայողի որոնողական աշխատանքները և ինչպե՞ս է լքել ծառայության վայրը։ 

Պատասխանի մեջ նշվում է․ «ՀՀ ՊՆ 75937 զորամասի ուսումնական գումարտակի ՆՌՆԴ-ի նշանառու, ժամկետային զինծառա յող, շարքային Նորիկ Արմենի Մկրտչյանի կողմից 18.05.2021թ.-ին նույն զորամասի պաշտպանության շրջանի «Դամրդակ» մարտական դիրքը ինքնակամ թողնելու եւ չհայտնաբերվելու փաստի կապակցությամբ ՀՀ ՊՆ Վարդենիսի ՌՈ բաժնում ձեռ նարկվել են օպերատիվ-հետախուզական միջոցառումներ եւ նախապատրաստվել են նյութեր, այնուհետեւ ՀՀ քրեական օրենսգրքի 361 հոդվածի 1-ին մասի եւ 376 հոդվածի 1-ին մասի հատկանիշներով՝ ՀՀ ՔԿ ԶՔԳՎ հինգերորդ կայազորային քննչական բաժնում հարուցվել է թիվ 92083221 քրեական գործը, իսկ 06.07.2021թ-ին ՀՀ  քրեական օրենսգրքի 361 հոդվածի 5-րդ մասով՝ վերջինիս նկատմամբ հայտարարվել է հետախուզում, որի կատարումը հանձնարարվել է ՀՀ ոստիկանությանը»։