Գինն հասավ 50 դրամի․ սուպերմարկետներում փոխվել են պոլիէթիլենային տոպրակների գները
Ինչպես հայտնի է 2022 թ. հունվարի 1-ից առևտրի օբյեկտներում արգելվում է մինչև 50 միկրոն հաստությամբ պոլիէթիլենային տոպրակների վաճառքը։
Սակայն մի շարք սուպերմարկետներում և առևտրի կենտրոններում ոչ միայն դեռ տրամադրում են պոլիէթիլենային տոպրակներ, այլև թանկացրել են դրանց արժեքը, գրում է Armdaily-ն։
Օրինակ «Երևան Սիթի» սուպերմարկետների ցանցում պոլիէթիլենային տոպրակների գինը 15 դրամից դարձել է 45 դրամ։
Իսկ «Սաս» սուպերմարկետների ցանցում այդ տոպրակների գինը դարձել է 50 դրամ։
Իսկ օրինակ «Նոր Զովք» սուպերմարկետների ցանցում գինը չի փոխվել։ Որոշ սուպերմարկետներ էլ իրենց կայքերից հեռացրել են պոլիէթիլենային տոպրակները։
Հիշեցնենք, որ Շրջակա միջավայրի նախարարությունից հայտնում են՝ 30 հազար դրամ տուգանք է սահմանվում պոլիէթիլենային տոպրակով ապրանք վաճառելու դեպքում: Պետությունը պոլիէթիլենային տոպրակներն առաջարկում է փոխարինել կենսաքայքայվող նյութից կամ կտորից պատրաստված բազմակի օգտագործման փաթեթներով։
