Մի փոքր հուզվել էի․ Սիմիդյանը՝ ԱԺ ամբիոնից խոսելիս պարբերաբար ժպտալու մասին

Ես չգիտեի, որ ժպտալն այդքան մեկնաբանությունների առիթ կարող է տալ, առաջին անգամն էր՝ զեկուցում էի, մի փոքր հուզվել էի։ Այս մասին ԱԺ-ում լրագրողների հետ զրույցում ասաց Շրջակա միջավայրի նախարար Հակոբ Սիմիդյանը՝ անդրադառնալով հարցին, թե ինչու էր երեկ ԱԺ ամբիոնից նախագիծ ներկայացնելիս պարբերաբար ժպտում և դժվարությամբ կարդում տեքստը:

«Շատ տարատեսակ մեկնաբանություններ արվեցին, որոնք անհասկանալի էին, թե ինչու։ Ես կարծում եմ, որ ժպտալը նման մեկնաբանությունների առիթ պետք է չտար, բայց, ցավոք սրտի, եղան տարատեսակ մեկնաբանություններ»,-ասաց նա։