Կալիֆոռնիան կրակների մեջ է. խոշոր հրդեհ է բռնկվել

ԱՄՆ-ի Medline Industries ընկերությունը համարվում է երկրի բուժհաստատություններին և բժշկական կենտրոններին բժշկական արտադրանք մատակարարող առաջատար ընկերություններից մեկը։ Ընկերությանը պատկանող բժշկական ապրանքների լոգիստիկ պահեստում տեղի է ունեցել աշխարհում խոշորագույն պահեստային հրդեհներից մեկը։ Այդ մասին հայտնում են ամերիկյան ԶԼՄ–ները: 

Պահեստը գտնվում է Կալիֆոռնիայի Թրեյսի քաղաքում և համարվում է բժշկական ապրանքների աշխարհի խոշորագույն պահեստներից մեկը։ Մի քանի կիլոմետր հեռավորությունից տեսանելի հրդեհը բառացիորեն րոպեների ընթացքում ոչնչացրել է մոտ 92 հազար քառակուսի մետր տարածք զբաղեցնող հսկայական համալիրը։

Նախնական տվյալներով՝ տուժածներ չկան։ Վարչակազմի օպերատիվ արձագանքի շնորհիվ տարածքից շտապ տարհանվել է մոտ 120 աշխատակից։

Քաղաքի հրշեջ ծառայության ղեկավար Ռենդալ Բրեդլիի խոսքով՝ հրդեհի ժամանակ ավտոմատ հրդեհաշիջման համակարգը չի գործել, իսկ հրշեջ հիդրանտներում ջուր չի եղել։ Սա զգալիորեն բարդացրել է հրդեհաշիջման աշխատանքները, որոնք շարունակվել են նաև այսօր։

Մասնագետների գնահատմամբ՝ հրդեհի վերջնական մարման համար կարող է պահանջվել մի քանի օր։

Այս պահին հրդեհաշիջման աշխատանքներին ներգրավված են տասնյակ հրշեջ հաշվարկներ, իսկ քաղաքային իշխանությունները քննարկում են տեխնիկայի և մասնագետների թվի ավելացման հարցը։

Տեսանյութը՝ հղմամբ: