Հայ-ռուսական հարաբերությունների մասին կարևոր ուղերձ է հնչել Երևանում

Երևանում անցկացվում են Ռուսաստանի օրվան նվիրված հանդիսավոր միջոցառումներ։

Ընդունելությանը մասնակցում են ՀՀ փոխվարչապետ Մհեր Գրիգորյանը, Ազգային ժողովի նախագահ Ալեն Սիմոնյանը, ԱԺ փոխնախագահ Ռուբեն Ռուբինյանը, ինչպես նաև նախարարներ Գևորգ Պապոյանն ու Դավիթ Խուդաթյանը։

Իր ելույթում Մհեր Գրիգորյանը նշել է, որ Հայաստանի և Ռուսաստանի միջև համագործակցության կուտակված փորձը արժեքավոր ձեռքբերում է, որը կարևոր է պահպանել՝ անկախ միջազգային իրավիճակից։

Նա հույս է հայտնել, որ առկա տարաձայնությունները կկարգավորվեն բաց երկխոսության միջոցով, իսկ երկու երկրների հարաբերությունները կշարունակեն զարգանալ փոխադարձ հարգանքի և բարիդրացիության ոգով։