Թեհրանից հնչել է ուշագրավ հայտարարություն. նոր զարգացումներ են սպասվում

Իրանի արտաքին գործերի նախարար Աբբաս Արաղչին հայտարարել է, որ Իրանի Իսլամական Հանրապետությունն ու ԱՄՆ-ը առավել քան երբևէ մոտ են համաձայնագրի ստորագրմանը, և, ամենայն հավանականությամբ, այն կկայանա Իսլամաբադում։

«Մենք առավել քան երբևէ մոտ ենք փոխըմբռնման հուշագրի ստորագրմանը և նախատեսում ենք դա անել Իսլամաբադում։ Մինչև դրա վերջնական համաձայնեցումը, լրատվամիջոցները պետք է զերծ մնան դրա բովանդակության վերաբերյալ շահարկումներից»,- նշել է Իրանի դիվանագիտական գերատեսչության ղեկավարը։

Արաղչիի խոսքով՝ բոլոր անհրաժեշտ ընթացակարգերի ավարտից հետո հանրությանը կներկայացվեն փաստաթղթի բովանդակության մանրամասները։

«Մեր պատասխանատու և թափանցիկ մոտեցմանը համապատասխան՝ բոլոր մանրամասները ժամանակին կհասցվեն հանրության ուշադրությանը»,- ընդգծել է նախարարը։