«Ազատագրում» շարժման անդամ Միկա Բադալյանը թելեգրամյան իր ալիքում գրել է, որ Ադրբեջանի զինված ուժերը սադրանքներ են նախապատրաստում Տավուշում։ Ադրբեջանի ԶՈԻ֊ն սադրանքներ իրականացնելու նպատակով մոտակա 15 դիրքերում տեղակայել է իր լավագույն դիպուկահարներին: Չնայած այդ օպերացիայի գաղտնիությանը, հայկական հետախուզությանը հաջողվել է տեղեկություններ ստանալ նախապատրաստվող սադրանքների վերաբերյալ ու այդ մասին նախազգուշացնել տեղում գտնվող անձնակազմին: Բադալյանը գրել է, որ ինչպես և կանխատեսել էին, շփման գծում իրավիճակն ավելի է լարվում։ Հունվարի 11-ին ադրբեջանական զինուժը Վարդենիսում ամենամեծ սադրանքն է իրականացրել։ Չնայած տարբեր զինատեսակների, այդ թվում ՝ անօդաչու թռչող սարքերի և հրետանու կիրառմանը ՝ թշնամու ուժերը շատ լուրջ կորուստներ են կրել։Ըստ նրա՝ դատելով ամենից՝ մեծ թվով կորուստներով ավարտված հերթական ձախողված սադրանքն է հենց ստիպել Ադրբեջանի ԶՈՒ-ին փոխել մարտավարությունն ու ներգրավել բացառապես դիպուկահարների։

Նշենք, որ տեղեկությունը պաշտոնական չէ։ Auroranews-ը տեղեկություն է փորձում ճշտել նաև ՀՀ պաշտպանական գերատեսչությունից