ՏԵՍԱՆՅՈՒԹ. Էլեկտրոնային ծխախոտ օգտագործելուց հետո 12-ամյա տղան մահացել է. մյուս դեռահասները հիվանդանոցում են

Բիյսկի քոլեջի ուսանողներին` 17,18 տարեկան աղջիկներին և նրանցից մեկի 12-ամյա եղբորը, էլեկտրական ծխախոտ օգտագործելուց հետո առավոտյան բնակարանում գտել են անգիտակից վիճակում։ 12-ամյա տղան մահացել է, աղջիկները վերակենդանացման բաժանմունքում են: Նրանցից մեկը կոմայի մեջ է։ 

Թելեգրամյան ալիքներում հրապարակվել է տեսանյութ, որտեղ աղջիկը երգում է` «Ամբողջ օրը ծխելու եմ, մինչ վատ չզգամ ինձ»: Տեսանյութն աղջիկը հրապարակել էր սոցիալական ցանցում:

Բժիշկները աղջիկների առողջական վիճակում դրական դինամիկա են նկատում: Քննիչներին դեռ թույլ չեն տալիս տեսնել նրան:

12-ամյա տղայի դիակը զննվում է: Մահվան պատճառը պարզվում է։

Թունավորված աշակերտների ծնողները պատմում են, որ երբեք չեն նկատել նրանց կախվածությունը ծխելուց և, ընդհանրապես, վատ սովորություններից։ Նույն դպրոցում սովորողները նույնպես դրական կարծիք են հայտնել նրանց մասին: Աղջիկներից մեկը հիմնականում տանը միայնակ էր լինում, քանի որ նրա ծնողները հերթափոխով աշխատողներ էին։ Նրան հաճախակի այցելում էր տատիկը։ Հենց նա էլ բնակարանում հայտնաբերել երեք անգիտակից երեխաներին:

[50ebfc05b3111c1957426756fe4280ba.jpg]

[b7c92765f247f6bc8c33338be6444afe.jpg]