Ղրղզստանի նախագահը չի մասնակցել ՀԱՊԿ ղեկավարների առցանց հանդիպմանը
Ղրղզստանի նախագահ Սադիր Ժապարովը չի մասնակցել Հավաքական անվտանգության պայմանագրի կազմակերպության (ՀԱՊԿ) պետությունների ղեկավարների առցանց հանդիպմանը՝ նվիրված Ղազախստանում տիրող իրավիճակին։ Այս մասին հայտնում է 24.kg-ը։
Հունվարի 10-ին Ժապարովը կարճատև արձակուրդ է վերցրել։ Փոխարենը ՀԱՊԿ Հավաքական անվտանգության խորհրդի արտահերթ նիստին մասնակցել է Ղրղզստանի վարչապետ Ակըլբեկ Ժապարովը։
