Իրանը մտադիր է 35 հազար ՄՎտ հզորությամբ էլեկտրակայաններ կառուցել
Իրանը նախատեսում է էներգիայի վերականգնվող աղբյուրների ռեսուրսների կիրառմամբ կառուցել մի քանի էլեկտրակայաններ՝ 35 հազար ՄՎտ ընդհանուր հզորությամբ։ Այս մասին երկուշաբթի օրը հայտարարել է էներգետիկայի փոխնախարար, Էներգիայի վերականգնվող աղբյուրների և էներգաարդյունավետության կազմակերպության ղեկավար Մահմուդ Կամանին։
Նա նշել է, որ հաջորդ տարի Իրանը մտադիր է սկսել վերականգնվող էներգիայի աղբյուրների հիման վրա նոր էլեկտրակայանների շինարարությունը՝ ընդհանուր 35 հազար ՄՎտ հզորությամբ։
Ավելի վաղ Կամանին հայտարարել էր 10 հազար ՄՎտ հզորության էլեկտրաէներգիայի արտադրության ստեղծման ծրագրերի մասին։
