Գործարաններից մեկում ածխաջրածինների արտահոսք է տեղի ունեցել. Ֆրանսիա
Ֆրանսիայի հարավում, Total նավթավերամշակման գործարանից դեպի Մարսել-Ռոնա ջրանցք ածխաջրածինների արտահոսք է տեղի ունեցել: Այս մասին հայտնում է BFM TV-ն։
BFM Marseille-ի տվյալներով` երկուշաբթի կեսօրին Մարսել-Ռոնա ջրանցքում ածխաջրածիններ են հայտնաբերվել: Աղտոտվածությունը կապված է Total La Mede նավթավերամշակման գործարանի հետ։
Գործարանի ղեկավարությունն արդեն կարգադրել է միջոցներ ձեռնարկել արտահոսքը կանխելու համար։ Իրավիճակը վերահսկելու համար ստեղծվել է ճգնաժամային շտաբ։
