Ադրբեջանն հետախուզական զեկույց է ներկայացրել Արգենտինայի հայ համայնքի վերաբերյալ

Ադրբեջանը դեկտեմբերի 23-ին կազմել և հրապարակել է Արգենտինայի հայ համայնքի վերաբերյալ անօրինական հետախուզական զեկույց։ Զեկույցը վերլուծում է հայկական հաստատությունները և տրամադրում արգենտինական համայնքի տարբեր գործիչների անձնական տվյալներ։

Այն նաև դատապարտում է քաղաքականության ոլորտում այն մարդկանց, ովքեր աջակցել են Հայոց ցեղասպանության ճանաչման համար մղվող պայքարին, ինչպես նաև նրանց, ովքեր իրենց կարծիքն են հայտնել 2020 թվականին Ադրբեջանի և Թուրքիայի կողմից սանձազերծված արցախյան պատերազմի ժամանակ։

Տեքստը սիստեմատիկորեն ժխտում է Հայոց ցեղասպանությունը՝ կրկնելով Ադրբեջանի և Թուրքիայի կառավարությունների պաշտոնական ժխտողական դիրքորոշումները:

Զեկույցում Արգենտինայի հայ համայնքը մեղադրվում է իբր թե «Հայաստանի ներկայիս քաղաքական իրավիճակի» մասին «անտեղյակության», ինչպես նաև Թուրքիայի և Ադրբեջանի հետ երկխոսությանը խոչընդոտելու մեջ: 

Համաձայն Diario ARMENIA-ի՝ դա անօրինական զեկույց է Արգենտինայում, որի Ազգային հետախուզության օրենքը (թիվ 25,520) արգելում է արտաքին կազմակերպություններին երկրում պատրաստել կամ իրականացնել հետախուզական առաջադրանքներ: