| ԱԺ նախկին պատգամավոր Տաթևիկ Հայրապետյանը գրել է. «Ադրբեջանի Միլլի Մեջլիսի պատգամավոր Ագիլ Աբբասլին երեկվա նիստի ժամանակ հանդես է եկել նման հայտարարությամբ. «Ադրբեջանցի երիտասարդները կռվել են Ղարաբաղում, զոհվել և դարձել շեհիդ: Ինչո՞ւ նրանք այժմ չեն գնում և կամավոր աշխատում Ղարաբաղի կառուցման համար: Նրանք կգնան կամավոր, անգամ փող չեն ուզի: Պատերազմ գնալիս փող էի՞ն ուզում, մեռնելիս փող էի՞ն ուզում: Ոչ, հիմա էլ չեն ուզի, երբ գնան կառուցելու»: Նա այս հարցի հետ կապված օրենսդրական նախաձեռնությամբ է ցանկանում հանդես գալ: Նշեմ, որ սա բուռն քննարկման առարկա է դարձել ադրբեջանական հանրային շրջանակներում, որոնք Աբբասլիին մեղադրում են, որ հենց իր որդին պետք է առաջինը մեկնի, եթե նման բաներ է առաջարկում»: |
