Քոչարյանը` Հայաստանում և Թուրքիայիում նշանակված հատուկ ներկայացուցիչների և նրանց քննարկելիք թեմայի մասին
Չավուշօղլուն, կոպիտ ասած, հայտարարեց, որ Հայաստանի հետ խոսելու անհրաժեշտությունը կա, իսկ խոսելու համար երկու կողմից էլ կան նշանակված մարդիկ։ Այս մասին լրագրողների հետ զրույցում ասաց ՔՊ-ական պատգամավոր Անդրանիկ Քոչարյանն՝ անդրադառնալով Թուրքիայի ԱԳ նախարարի հայտարարությանը, որ Հայաստանի և Թուրքիայի հարաբերությունների կարգավորման համար հատուկ ներկայացուցիչներ կնշանակվեն:
Իսկ թե հայկական կողմի ներկայացուցիչն ո՞վ կլինի՝ Քոչարյանն ասաց՝ երբ կհնչեցվի այդ անձի անունը, լրագրողները հնարավորություն կունենան հետաքրքրող հարցերի պատասխանները ստանալ հենց գործընթացի սկզբում:
Հարցին՝ հնարավո՞ր է երկու երկրների հարաբերությունները կարգավորվեն Թուրքիայի առաջ քաշած մինջանցքի պահանջի բավարարման հաշվին, Անդրանիկ Քոչարյանն ասաց.
«Չկա թուրքական միջանցք, ամեն օր դուք ստանում եք հավաստիացումներ, որ միջանցքի հարց չի քննարկվում»:
Պատգամավորի խոսքով՝ տարածաշրջանի հետ կապված հարցերի քննարկում է լինելու հայ-թուրքական հարաբերությունների հիմնական տիրույթում:
