Կրիվոյ Ռոգում ադրբեջանցիների կոնֆլիկտի հետևանքով 1 մարդ մահացել է, ևս մեկը հոսպիտալացվել է
Ուկրաինայում՝ Դնեպրոպետրովսկի մարզի Կրիվոյ Ռոգ քաղաքում ադրբեջանցիների երկու խմբերի միջև սկսված կոնֆլիկտի հետեւանքով 1 մարդ մահացել է, իսկ մյուսը՝ դանակահարված վիճակում հոսպիտալացվել է: Այս մասին հայտնում է Интерфакс-ի ադրբեջանական ծառայությունը:
Ինչպես նշում է մարզի ոստիկանությունը՝ ծեծկռտուքի ժամանակ մասնակիցներից մեկը դանակի հարվածներ է ստացել, որից հետո կրակել է տղամարդկանցից մեկի վրա։
«Դեպքի հետեւանքով 35-ամյա տղամարդը մահացել է կրծքավանդակի շրջանում հրազենային վնասվածքից», – ասված է հաղորդագրության մեջ:
