Վարչապետի և նախագահի հրաժարականի պահանջով մենք մտնում ենք պայքարի երկրորդ փուլ. Նաիրի Հոխիկյան

Ազատագրական շարժում նախաձեռնության հիմնադիր անդամ, մեդիափորձագետ Նաիրի Հոխիկյանը գրել է. «Ազատագրական շարժումը նոյեմբերի 28-ին ամփոփեց պայքարի առաջին փուլը։ Ես շնորհակալ եմ այն մարդկանց ու կազմակերպություններին, որոնք հավատացին մեր սկզբունքներին ու նպատակներին' մի կողմ դնելով սեփական կամ խմբային շահերը։

Վարչապետի և նախագահի հրաժարականի պահանջով մենք մտնում ենք պայքարի երկրորդ փուլ։ Դա կարող է լինել դժվար ու վտանգավոր, բայց ոչ մի ազնիվ պայքար հեշտ չի լինում։

Ազատագրական շարժման օրակարգի և ճանապարհային քարտեզի մասին կհայտարարենք այսօր, ժամը 18:30-ի հավաքի ժամանակ, հանրապետության հրապարակում»։