Փաստորեն խնդիրը ոչ թե մեր գերիներին ժամ առաջ վերադարձնելն է, այլ դեպքերը հետաքննելը. Մկրտչյանը` Փաշինյանի ելույթի մասին

Նիկոլ Փաշինյանը մեզ հասցրել է այն վիճակին, որ ՀՀ սահմաններին մեր պետական դրոշից բացի կարող եք գտնել ցանկացած պետության դրոշ։ ԱԺ-ում այս մասին ասաց «Պատիվ ունեմ» խմբակցության պատգամավոր Աննա Մկրտչյանը։

«Քիչ առաջ այս դահլիճում կրկին առաջնահերթությունների հստակեցում տեղի ունեցավ։ Փաստորեն խնդիրը ոչ թե մեր գերիներին ժամ առաջ վերադարձնելն է, այլ ուղղակի հետաքննելը՝ տեսնելու համար ով ինչ պայմաններում է գերի ընկել։ Երբ մտածում եմ հարցնել, թե ինչու՞ և ինչպե՞ս է այս ամեն ինչն անում, հասկանում եմ, որ հերթական հայեցողական պատասխանն եմ լսելու»,-ասաց Աննա Մկրտչյանը։

Վերջինս պահանջեց հանգիստ թողնել ՀՀ-ն և չկատարել այն թշնամիների հանձնարարականները, որոնք ուզում են մասնատել ՀՀ-ն։