Երկու կողմերին չկրակելու հրահանգ կա. Արծրուն Հովհաննիսյան
Ամեն զինվոր չի կարող նռնակը քաշել ու նահատակվել, երկու կողմերին չկրակելու հրահանգ կա։ Այս մասին 24TV-ի «Հարցազրույց» հաղորդման եթերում նշել է ՀՀ ՊՆ նախկին խոսնակ, պահեստազորի գնդապետ Արծրուն Հովհաննիսյանը։
Հովհաննիսյանի համոզմամբ` սահմանային միջադեպերը տրամաբանական են, դրանք տեղի կունենան այնքան ժամանակ, քանի դեռ սահմանագիծը ոսկրացած չէ և չկա հստակ խրամատ, իսկ այսպիսի իրավիճակներում հրամանատարների համար չափազանց դժվար է գործել։
Նրա կարծիքով` նվաստացմամբ հայ զինվորներին դիրքերից դուրս բերելու տեսանյութերը քարոզչական պատերազմի հետևանքով են․ «Իրականում ամեն ինչ այդքան էլ մռայլ չէ, քանի որ նույնն անում են նաև մեր զինվորները»,- ընդգծել է Հովհաննիսյանը։
