ԱՄՆ-ն ռուսական «Աերոֆլոտի» անձնակազմին առաջարկել է վիզաների համար թռչել Երևան
ԱՄՆ-ն ռուսական «Աերոֆլոտ» ավիաընկերության անձնակազմին առաջարկել է Երևան թռչել ամերիկյան վիզաներ ստանալու համար, փոխանցում է ՏԱՍՍ-ը՝ հղում անելով ՌԴ ԱԳՆ-ի իր աղբյուրին։
«Բացահայտ ծաղր է։ Ցույց են տալիս, թե իբր մեծ առաջընթաց է, որ համաձայնել են «Աերոֆլոտի» անձնակազմին ընդունել Երևանում գտնվող իրենց դեսպանատանը»,- ասել է գործակալության աղբյուրը:
Ըստ նրա՝ Վաշինգտոնը միտումնավոր է նման գործողություններ ձեռնարկում ռուսական կողմի դժգոհությունն առաջացնելու համար։ Այս ամենը կապված է ՌԴ-ի և այլ երկրների քաղաքացիներին Մոսկվայում ԱՄՆ դիվանագիտական ներկայացուցչությունում աշխատանքի ընդունելու արգելքի հետ։
