Կամերունում խոլերայի համաճարակի մեկնարկի մտավախություն ունեն. մահացել է 5 մարդ
Կամերունի իշխանությունները խոլերայի համաճարակի մեկնարկի մտավախություն ունեն։ Ներկա պահին գրեթե բոլոր բուժաշխատողներն ու միջոցներն ուղղված են կորոնավիրուսի դեմ պայքարին։
Աֆրիկյան պետությունում գրանցվել է խոլերայի բռնկում։ Երկու շաբաթում վարակն առնվազն 5 մարդու կյանք է խլել։ Այս մասին հայտնում է Կամերունում մարդասիրական հարցերի համակարգման ՄԱԿ-ի վարչությունը։
Կազմակերպության տվյալներով՝ խոլերայի բռնկում է գրանցվել երկրի հարավ-արևմուտքում և կենտրոնում։ Հիվանդությունն ախտորոշվել է 35 մարդու մոտ։
Հիշեցնենք, որ անցած ամռանը խոլերայի բռնկում էր տեղի ունեցել երկրի հարավում։ Այդ ժամանակ ձկնորսական Լոնջի գյուղում մահացել էր 12 մարդ։
