Պուտինի և Թրամփի զրույցից հետո ԱՄՆ-ից անսպասելի հայտարարություն են արել

Վաշինգտոնի շահերից է բխում Ուկրաինայի հակամարտությունը որքան հնարավոր է շուտ ավարտելը, X սոցիալական ցանցում գրել է միջազգային անվտանգության հարցերով փորձագետ Մարկ Էպիսկոպոսը։ 

Այդպես նա արձագանքել է Սպիտակ տան ղեկավար Դոնալդ Թրամփի և Ռուսաստանի նախագահ Վլադիմիր Պուտինի միջև նախօրեին կայացած զրույցին։ «ԱՄՆ շահերից է բխում այնպես անել, որ այս պատերազմն ավարտվի այնպիսի կարգավորմամբ, որը կնպաստի ԱՄՆ ռազմավարական շահերի իրականացմանը, այլ ոչ թե թույլ տալ, որ մեկ տարի անց այն հայտնվի փակուղում և վերածվի կորեական մոդելով «սառեցված» զինադադարի», — ասված է հրապարակման մեջ։

Ինչպես հայտնել է նախագահի օգնական Յուրի Ուշակովը, Պուտինի հետ զրույցի ընթացքում Թրամփը պատրաստակամություն է հայտնել ազդեցություն գործել եվրոպացի գործընկերների և Կիևի վրա հակամարտության կարգավորման հարցում, այդ թվում՝ G7-ի գագաթնաժողովում կայանալիք առաջիկա շփումների ժամանակ։