ԱՄՆ-ի բանտերից մեկում մանկական երգով տանջել են բանտարկյալներին․ նրանք դիմել են դատարան
ԱՄՆ Օկլահոմա նահանգի բանտում գտնվող բանտարկյալները որպես պատիժ ստիպված են եղել ժամերով անհարմար դիրքերում լսել մանկական Baby Shark երգը, հայտնում է NBC News-ը՝ վկայակոչելով հայցը։
«Ըստ այս շաբաթ ներկայացված հայցի՝ Օկլահոմայի բանտի բանտարկյալները ենթարկվել են դաժան և անմարդկային պատժի, նրանց ստիպել են անհարմար դիրքով մի քանի ժամ Baby Shark-ին լսել»,-հաղորդում է հեռուստաալիքը։
Հայցը ներկայացվել է չորս տղամարդու կողմից, ովքեր նախնական կալանքի տակ են եղել Օկլահոմա շրջանի բանտում 2019 թվականի վերջին:
Ըստ հայցի՝ բանտի անձնակազմը պատշաճ վերապատրաստված չի եղել, ղեկավարությունը տեղյակ է եղել, որ այս պատիժը կիրառած սպաները նախկինում դատապարտվել են դաժան վերաբերմունքի համար, սակայն որևէ քայլ չի ձեռնարկվել։
