«Շանսերը բավականին բարձր են». Մելքումյանը` Աբովյանի ՏԻՄ ընտրություններում ԲՀԿ-ի թեկնածուի մասին
Աբովյանի խոշորացված 10 համայնքներում դեկտեմբերի 5-ին կայանալիք ՏԻՄ ընտրություններում «Բարգավաճ Հայաստան» կուսակցությունն առաջադրելու է Էդուարդ Բաբայանի թեկնածությունը։
Այս մասին Tert.am-ի հետ զրույցում ասաց ԲՀԿ Քաղաքական խորհրդի փոխնախագահ, նախկին պատգամավոր Միքայել Մելքումյանը: Վերջինս բավականին բարձր գնահատեց ԲՀԿ-ի շանսերը։
«Էդուարդ Բաբայանն այդ տարածքում եղել է ռեյտինգային պատգամավոր և բավականին մեծ թվով ձայներ էր հավաքել։ Նա Աբովյան քաղաքի բնակիչ է և շատ լավ գիտի քաղաքը, հարակից գյուղերը, ծանոթ է տեղի խնդիրներին, վայելում է համայնքի բնակիչների հարգանքը, բավականին գործեր ունի այդտեղ արած թե՛ բակային տարածքների բարեկարգման, թե՛ լուսավորության առումով, մենք բարձր ենք գնահատում Էդուարդ Բաբայանի շանսերը»,- ասաց Միքայել Մելքումյանը։
