Ռուսաստանի համար գլխավոր խնդիրը ապակայունացում թույլ չտալն է. Լավրով
Աֆղանստանում «Թալիբանի» իշխանության գալուց հետո Ռուսաստանի համար գլխավոր խնդիրը Կենտրոնական Ասիայի երկրներում ապակայունացում թույլ չտալն է։ ՏԱՍՍ գործակալության փոխանցմամբ՝ այդ մասին հայտնել է ՌԴ արտգործնախարար Սերգեյ Լավրովը Россия-24 հեռուստաընկերությանը տված հարցազրույցում։
«Մեզ համար գլխավորը նրանց կայունությունն է, քանի որ Կենտրոնական Ասիայի դաշնակիցների հետ մենք չունենք սահման, գրեթե բոլորի հետ գործում է առանց վիզայի ռեժիմ», – ասել է Լավրովը։
ՌԴ արտգործնախարարի խոսքով՝ ահաբեկիչների և թմրանյութերի ներթափանցման սպառնալիքները հարկավոր է ճնշել հենց Աֆղանստանի ներսում։
