Իրանում ՀՀ դեսպանն ավարտում է առաքելությունը. ԻԻՀ ԱԳ նախարարն ընդունել է նրան
Հոկտեմբերի 31-ին Իրանի Իսլամական Հանրապետություն ԱԳ նախարար Հոսեյն Ամիր Աբդոլլահիանը դիվանագիտական առաքելության ավարտի կապակցությամբ ընդունեց ԻԻՀ-ում ՀՀ դեսպան Արտաշես Թումանյանին։ Այս մասին հայտնում է Իրանում ՀՀ դեսպանությունը։
ԻԻՀ ԱԳ նախարարը շնորհակալություն հայտնեց Ա.Թումանյանին պաշտոնավարման ընթացքում կատարած աշխատանքի համար։
Իր հերթին դեսպան Թումանյանը գոհունակություն հայտնեց անցած տարիների ընթացքում երկու երկրների միջև հարաբերությունների զարգացման կապակցությամբ։
