Ռուս բլոգերը դատապարտվել է 5 տարվա ազատազրկման գաղտնի օբյեկտները նկարահանելու պատճառով
Ռուսաստանում բլոգեր Անդրեյ Պիժը դատապարտվել է հինգ տարվա ազատազրկման։ Այս մասին հայտնում է НТВ-ն: Տղամարդը մեղավոր է ճանաչվել ապօրինի կերպով պետական գաղտնիք պարունակող տեղեկություններ ստանալու մեջ։
Պիժը YouTube-ի իր Urbanturizm ալիքում խոսել է Ռուսաստանի և հարևան երկրների տարբեր գաղտնի օբյեկտների մասին։ Բլոգերն այցելել է լքված շինհրապարակներ և բունկերներ, միջուկային ռեակտորներ, ատոմային կաթսայատներ և նկարահանել դրանք։
Հետաքննության տվյալներով՝ 2018-2020 թթ. Անդրեյը տեղեկություններ է հավաքել Մոսկվայի նախկին գաղտնի ստորգետնյա օբյեկտների մասին։
