Ղրղզստանը ձեռք կբերի թուրքական Bayraktar-ներ
Ղրղզստանը ձեռք կբերի թուրքական արտադրության Bayraktar TB2 հարվածային անօդաչու թռչող սարքեր, հայտնում է Anadolu-ն։
Ղրղզստանի ազգային անվտանգության պետական կոմիտեի ղեկավար Կամչիբեկ Տաշիևի խոսքով՝ Բիշքեկն արդեն Անկարա է ուղարկել անօդաչու թռչող սարքերի խմբաքանակ ձեռք բերելու պատվեր։
Տաշիևի խոսքով՝ թուրքական անօդաչու սարքերը մոտ ապագայում կներառվեն ղրղզական բանակի սպառազինության մեջ։ Նա նշել է, որ անօդաչու թռչող սարքերի օպերատորներն արդեն վերապատրաստվել են Թուրքիայում:
