Երևանի մի շարք մանկապարտեզներում կորոնավիրուսային վարակի դեպքեր են արձանագրվել
ArmDaily.am-ը պարբերաբար ահազանգեր է ստանում ընթերցողներից, որ Երևանի մի շարք մանկապարտեզներում կորոնավիրուսային վարակի դեպքեր են արձանագրվել և պարբերաբար խմբեր են փակվում։
Մեր հարցմանն ի պատասխան Երևանի քաղաքապետարանի մամուլի քարտուղար Հակոբ Կարապետյանը հայտնեց, որ Երևանում այս պահին կորոնավիրուսային վարակով պայմանավորված փակվել է 11 խումբ և 1 մանկապարտեզ։
Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 2146-ով և դարձել 291 052: Այս պահին փաստացի բուժում է ստանում 25374 մարդ (+965), կատարվել է 1958792 թեստավորում (+18598), առողջացել են վարակվածներից 258486-ը (+1134): Վերջին մեկ օրում կորոնավիրուսից մահացել է 42 մարդ, վարակի զոհ դարձածների ընդհանուր թիվը 5944 է։ Կորոնավիրուսով վարակված, բայց այլ պատճառով մահացածների թիվն ավելացել է 5-ով և դարձել 1248։
