«Ералаш»-ի ռեժիսորը մեղադրվում է մանկապղծության մեջ
«Ералаш» մանկական կինոժուռնալի ռեժիսոր Իլյա Բելոստոցկին մեղադրվում է մանկապղծության մեջ: Նա անազատության մեջ է արդեն մեկ տարի: Այս մասին գրում է Говорит Москва-ն:
Բելոստոցկու տանը խուզարկության արդյունքում մերկ երեխաներ պատկերող լուսանկարներ և տեսանյութեր են հայտնաբերվել։ Բելոստոցկին ձերբակալվել է դեռևս 2020 թվականի հոկտեմբերին, սակայն, լրատվամիջոցի հաղորդմամբ, այս մասին հայտնի է դարձել միայն հիմա։ Սկզբում ռեժիսորը անհետացել է տեսադաշտից, հարազատները հայտնել են նրա հիվանդության մասին:
48-ամյա Իլյա Բելոստոցկին հայտնի է որպես «Ералаш» մանկական կինոժուռնալի ռեժիսոր, ինչպես նաև որպես սցենարիստ, պրոդյուսեր և դերասան։
